📰 SBC News Corner 📰

सोनुभाऊ बसवंत कला व वाणिज्य महाविद्यालय, शहापूर येथे गुरुवार दिनांक २३ एप्रिल २०२६ रोजी पदवी प्रमाणपत्र वितरण समारंभ उत्साहपूर्ण आणि दिमाखदार वातावरणात पार पडला. विद्यार्थ्यांच्या शैक्षणिक यशाचा गौरव करणारा हा सोहळा मोठ्या उत्साहात साजरा करण्यात आला. या कार्यक्रमाचे आयोजन प्राचार्य प्रो.(डॉ.) अनिल सिंह यांच्या मार्गदर्शनाखाली सर्व विश्वस्त मंडळ, कार्यकारी समितीचे पदाधिकारी व सदस्य, उपप्राचार्य, सर्व प्राध्यापक व शिक्षकेतर कर्मचाऱ्यांच्या संयुक्त विद्यमाने करण्यात आले होते. कार्यक्रमाच्या अध्यक्षस्थानी कार्यकारी समितीचे अध्यक्ष मा. बाळा पाटील होते. तर प्रमुख पाहुणे म्हणून उपविभागीय पोलिस अधिकारी मा. मिलिंद शिंदे, मुंबई विद्यापीठाच्या कॉमर्स आणि मॅनेजमेंट संकायचे अधिष्ठाता प्राचार्य प्रो. (डॉ.) आर. पी. बांबर्डेकर तसेच ज्ञानवर्धिनी संस्थेच्या विश्वस्त मंडळाचे अध्यक्ष मा. किशोर कुडव उपस्थित होते. यावेळी ज्ञानवर्धिनी संस्थेच्या विश्वस्त मंडळाचे उपाध्यक्ष श्री. देवेंद्र शहा, कार्यकारी समितीचे उपाध्यक्ष श्री. चंद्रशेखर अधिकारी, विश्वस्त मंडळाचे सचिव श्री. रमेश वनारसे, कार्यकारी समितीचे सचिव श्री. दिलीप भोपराव, विश्वस्त मंडळाचे सहसचिव श्री. राजेंद्र भोपतराव, कार्यकारी समितीचे सहसचिव श्री.वैभव जगे, विश्वस्त मंडळाचे खजिनदार श्री. गजानन पाटील, कार्यकारी समितीचे खजिनदार श्री.यशवंत गुजरे, विश्वस्त मंडळाचे सदस्य श्री. पंकज शहा, कार्यकारी समितीचे सदस्य श्री. सोमनाथ काबाडी, श्री. बाळासाहेब खारीक, श्री. नरेश अधिकारी, श्री. सतीश पातकर, श्री. दीपक बजाज, श्री. अनिल निचिते, श्री. अरुण कासार, श्री. प्रशांत फुले, श्री. संदीप महाजन, श्री. नितीन अग्रवाल, श्री. कल्पेश दुधाळे, आदी मान्यवर मोठ्या संख्येने उपस्थित होते. या समारंभाचे उद्घाटन मान्यवरांच्या हस्ते दीप प्रज्वलन व सरस्वती पूजनाने करण्यात आले. या प्रसंगी महाराष्ट्र गीत व विद्यापीठ गीत प्रस्तुत करण्यात आले. त्यानंतर सर्व उपस्थित मान्यवरांचे स्वागत करण्यात आले. पदवी प्रमाणपत्र वितरण कार्यक्रमाचे प्रास्ताविक महाविद्यालयाचे प्रभारी प्राचार्य प्रो. (डॉ.) अनिल सिंह यांनी केले. या प्रसंगी प्रमुख पाहुण्यांनी विद्यार्थ्यांना पुढील आयुष्यात प्रामाणिकपणा, मेहनत आणि शिस्त या मूल्यांच्या आधारे यश संपादन करण्याचे मार्गदर्शन केले. तसेच समाजाप्रती आपली जबाबदारी ओळखून कार्य करण्याचे आवाहनही त्यांनी केले. त्यानंतर पदवीप्राप्त विद्यार्थ्यांना व्यासपीठावर आमंत्रित करून मान्यवरांच्या हस्ते सन्मानपूर्वक पदवी प्रमाणपत्रांचे वितरण करण्यात आले. विद्यार्थ्यांच्या चेहऱ्यावरचा आनंद आणि पालकांचा अभिमान यामुळे संपूर्ण वातावरण भारावून गेले होते. कार्यक्रमाच्या शेवटी महाविद्यालयाच्या वतीने डॉ. सीमा परटोले यांनी सर्व मान्यवरांचे आभार मानले तर डॉ. अश्विनी ओव्हाळ यांनी उत्कृष्ठ सूत्रसंचालन केले. हा पदवी प्रमाणपत्र वितरण सोहळा विद्यार्थ्यांसाठी प्रेरणादायी ठरला असून, संपूर्ण कार्यक्रम उत्साहपूर्ण वातावरणात राष्ट्रगीत गाऊन यशस्वीरित्या संपन्न झाला.

सोनुभाऊ बसवंत महाविद्यालय, शहापूर येथे IQAC आणि Innovation, Incubation & Start Up Clinic केंद्रामार्फत दिनांक २४ मार्च २०२६ रोजी सकाळी १०:०० वाजता "Entrepreneurship and Start Up: Passion to Profit “ या विषयावर एक दिवसीय सेमिनार यशस्वीरीत्या आयोजित करण्यात आला. या कार्यक्रमासाठी प्रमुख पाहुणे म्हणून मा. श्री. मनोज पाटील, संचालक, व्हायब्रंट इंडिया इकॉनॉमिक कौन्सिल, मुंबई तसेच अध्यक्षस्थानावर आदरणीय डॉ. संतोष गायकवाड सर, उपप्राचार्य उपस्थित होते. त्यांच्या उपस्थितीमुळे कार्यक्रमाला विशेष उंची प्राप्त झाली. कार्यक्रमाची सुरुवात पारंपरिक पद्धतीने सरस्वती पूजन व दीपप्रज्वलनाने करण्यात आली. त्यानंतर मान्यवरांचे स्वागत व सत्कार करण्यात आले. प्रास्ताविकातून आजच्या काळातील उद्योजकतेचे महत्त्व आणि विद्यार्थ्यांसाठी त्याची आवश्यकता अधोरेखित करण्यात आली. प्रमुख पाहुणे मा. श्री. मनोज पाटील यांनी आपल्या व्याख्यानातून उद्योजकतेची संकल्पना, नवोन्मेषाचे महत्त्व तसेच “Passion to Profit” या प्रवासाचे विविध पैलू अत्यंत प्रभावीपणे मांडले. त्यांनी आपल्या उद्योगक्षेत्रातील अनुभवातून विद्यार्थ्यांना मार्गदर्शन करताना स्टार्ट-अप सुरू करण्यासाठी आवश्यक कौशल्ये, संधी, आव्हाने आणि त्यावर मात करण्याचे उपाय याबाबत सविस्तर माहिती दिली. विविध शाखेतील विद्यार्थ्यांनी या सत्रात सक्रिय सहभाग नोंदवला आणि प्रश्नोत्तर सत्रात विविध प्रश्न विचारले. प्रमुख पाहुण्यांनी विद्यार्थ्यांच्या सर्व प्रश्नांची समाधानकारक उत्तरे देत त्यांना व्यावहारिक दृष्टिकोन दिला. या कार्यक्रमात विद्यार्थी व प्राध्यापक यांचा उत्स्फूर्त सहभाग लाभला. विशेषतः अर्थशास्त्र विभागप्रमुख प्रा (डॉ.)अंकुश मोरे सहायक प्राध्यापिका, डॉ. सीमा पार्टोळे व सरला कातकडे आणि सहायक प्राध्यापक श्री. प्रवीण ठाकरे यांनी या कार्यक्रमात सक्रिय सहभाग नोंदवला. तसेच, या कार्यक्रमाच्या यशस्वी आयोजनासाठी प्रभारी प्राचार्य प्रा. (डॉ.) अनिलकुमार सिंग तसेच IQAC समन्वयक प्रा. (डॉ.) शहाजी वाघमोडे यांचे मार्गदर्शन व सहकार्य लाभले, याबद्दल आम्ही त्यांचे मनःपूर्वक आभार मानतो. सेमिनारमुळे विद्यार्थ्यांच्या उद्योजकतेविषयीच्या ज्ञानात भर पडली तसेच त्यांना स्वावलंबी होण्यासाठी प्रेरणा मिळाली. कार्यक्रमाचा समारोप आभार प्रदर्शनाने करण्यात आला. या कार्यक्रमाच्या यशस्वी आयोजनासाठी सर्व मान्यवर, आयोजक, प्राध्यापक आणि विद्यार्थ्यांचे मनःपूर्वक आभार व्यक्त करण्यात आले. कार्यक्रमाची सांगता राष्ट्रगीताने झाली

मराठी भाषा गौरव दिन उत्साहात साजरा शहापूर : सोनुभाऊ बसवंत कला व वाणिज्य महाविद्यालय, शहापूर येथे २७ फेब्रुवारी रोजी सकाळी १० वाजता मराठी भाषा गौरव दिन उत्साहपूर्ण वातावरणात साजरा करण्यात आला. कार्यक्रमाचे आयोजन महाविद्यालयाच्या मराठी विभागामार्फत करण्यात आले होते. या कार्यक्रमासाठी प्रमुख वक्ते म्हणून प्रा. डॉ. संजय तुकाराम निचिते उपस्थित होते. आपल्या प्रभावी भाषणात त्यांनी मराठी भाषेचे ऐतिहासिक वैभव, समृद्ध साहित्यपरंपरा आणि आधुनिक काळातील आव्हाने यावर सखोल मार्गदर्शन केले. संत साहित्यापासून आधुनिक साहित्यापर्यंतचा प्रवास त्यांनी विद्यार्थ्यांसमोर उलगडून दाखवला. तसेच मराठी भाषेचे जतन व संवर्धन ही प्रत्येकाची जबाबदारी असल्याचे त्यांनी ठामपणे नमूद केले. कार्यक्रमाला उपप्राचार्य डॉ. संतोष गायकवाड तसेच IQAC प्रमुख डॉ. वाघमोडे सर यांची प्रमुख उपस्थिती लाभली. उपप्राचार्य डॉ. गायकवाड यांनी आपल्या मनोगतातून मराठी भाषेच्या संवर्धनासाठी विद्यार्थ्यांनी पुढाकार घ्यावा, असे आवाहन केले. कार्यक्रमाची सुरुवात सरस्वती पूजन व दीपप्रज्वलनाने झाली. सूत्रसंचालन प्रा.सौ.कातकाडे मॅडम व आभार प्रदर्शन मराठी विभागातील प्रा.बिन्नर सर यांनी केले. कार्यक्रमास प्राध्यापक, कर्मचारी व विद्यार्थी मोठ्या संख्येने उपस्थित होते. मराठी भाषा गौरव दिनाच्या निमित्ताने उपस्थितांनी मराठी भाषेचा अभिमान बाळगण्याचा व तिचे जतन करण्याचा संकल्प केला.

ज्ञानवर्धिनी संस्थेचे सोनुभाऊ बसवंत कला व वाणिज्य महाविद्यालयाचे राष्ट्रीय सेवा योजना विभागाचे सात दिवशीय श्रमसंस्कार शिबीराचे उदघाटन दिनांक १३ जानेवारी, २०२६ रोजी राष्ट्रीय सेवा योजना विभागाचे दत्तकगाव काटेकुई येथे पार पडले.या प्रसंगी ज्ञानवर्धिनी संस्थेच्या कार्यकारणीचे सचिव मा. श्री. दिलीप भोपतराव, महाविद्यालययाचे प्राचार्य. डॉ. अनिल सिंह, उपप्राचार्य डॉ. संतोष गायकवाड, इतिहास विभागाचे विभाग प्रमुख डॉ. गौतम सोनवणे तसेच जिल्हा परिषद प्राथमिक शाळा काटेकुईचे मुख्यध्यापक श्री. नामदेव पाटेकर यांच्या उपस्थितीत पार पडले.पहिल्या दिवशी जिल्हा समन्वयक डॉ. जीवन विचारे तसेच विभागीय समन्वयक डॉ. रुपवते यांनी राष्ट्रीय सेवा योजनाचे महत्व पटवून दिले. दुसऱ्या दिवशी व्यक्तिमत्व विकास या विषयावर सुनील वाघमारे यांनी व्याख्यान दिले. स्पर्धा परीक्षा विषयावर प्रा. प्रवीण ठाकरे सरांनी स्वयंसेवकांना मार्गदर्शन केले. तिसरा दिवस दिवशी सकाळी शेख सरांनी योगा आसने घेतली. दत्तक गावात स्वयंसेवाकांनी ग्रामस्वच्छता, प्लास्टिक पिशव्या गोळा केल्या. दुपारी पथनाट्य विषयी माहिती देण्यासाठी माजी विद्यार्थी कृणाल जाधव, राहुल घायवट यांनी स्वयंसेवकांना मार्गदर्शन केले. चौथ्या दिवशी दत्तक गावात नेत्र तपासणी शिबिराचे आयोजन करण्यात आले. के. बी. हाजी. बच्चूअली धर्मादाय डोळ्यांचे हास्पिटल तसेच जे. एस. डब्लू फाउंडेशनच्या वतीने ५६ लोकांनी नेत्राची तपासणी केली. डॉ.रघुनाथ हाडोबा, वनश्री भालके, प्रतीक्षा निमसे यांनी ४२ ग्रामस्थ्यांचे नेत्र तपासून त्याना मार्गदर्शन केले. त्यानंतर अभिनेता अभय पितांबरे माजी विद्यार्थी यांनी स्वयंसेवकांना अभिनयाची कला शिकवली. पाचव्या दिवशी दत्तक गाव काटेकुई येथे स्वच्छता केल्यावर माऊली किल्याच्या पायथ्याशी वनराई बंधारा बांधला. शहापूर पंचायत समितीचे गट शिक्षणाधिकारी मा. श्री. वेखंडे साहेब तसेच जिल्हा परिषद केंद्र शाळा खातीवलीच्या शिक्षकांनी तसेच तेथील विद्यार्थ्यांनी सगळ्यांनी मिळून वनराई बंधारा बांधला. दुपारी प्रा. डॉ. वाकचौरे सरांचे आध्यत्मिक जीवनावर व्याख्यान झाले. सहाव्या दिवशी परिसर स्वच्छता झाडांना गेरू, चुना लावला गेला दुपारी साहशी खेळ या विषयावर भूषण आत्माराम विशे यांनी लेक्चर व डेमो दिले आले. तसेच सर्पमित्र या विषयावर व्याख्यान आयोजित करण्यात आले. सातव्या दिवशी प्रा. वर्मा सर यांनी वक्तिमत्व विकास या विषयावर व्याख्यान दिले. तसेच ज्ञानवर्धिनी संस्थेचे कार्यकारी मंडळाचे उपाध्यक्ष मा. श्री.शेखर आधिकारी, प्राचार्य डॉ. अनिल कुमार सिंह, उप प्राचार्य डॉ. संतोष गायकवाड, श्री. सुनील दिवाण यांच्या उपस्थितीत सात दिवशीय निवासी शिबीराची सांगता करण्यात आली. कार्यक्रम आधिकारी डॉ. राजू शनवार, प्रा. संजय तडवी, प्राध्यापिका डॉ.अश्विनी ओव्हाळ यांनी शिबीर यशस्वी करण्यासाठी विशेष परिश्रम घेतले.

शहापूर येथील ज्ञानवर्धिनी संस्था संचालित सोनुभाऊ बसवंत कला व वाणिज्य महाविद्यालयाच्या अंतर्गत गुणवत्ता निर्धारण कक्ष व इतिहास विभाग यांच्या संयुक्त विद्यमाने, ज्ञानवर्धिनी संस्थेचे संस्थापक अध्यक्ष कै. सोनुभाऊ बसवंत ऊर्फ काका यांच्या पुण्यतिथीनिमित्त मंगळवार, दि. १६ डिसेंबर २०२५ रोजी कै. सोनुभाऊ बसवंत ऊर्फ काका यांच्या पुण्यतिथीचा कार्यक्रम तसेच त्यानिमित्ताने राष्ट्रीय स्तरावरील निबंध लेखन स्पर्धेच्या पारितोषिक वितरण समारंभाचे आयोजन करण्यात आले. या निबंध लेखन स्पर्धेचा विषय “नैसर्गिक आपत्ती व पर्यावरण : जागतिक समस्या आणि आव्हाने” असा होता. विद्यार्थ्यांमध्ये पर्यावरणाबाबत जागरूकता निर्माण करणे तसेच त्यांच्या विचार व अभिव्यक्तीस व्यासपीठ उपलब्ध करून देणे, हा या स्पर्धेचा प्रमुख उद्देश होता. देशभरातील विविध महाविद्यालयांमधून एकूण ६५ विद्यार्थ्यांनी या स्पर्धेत उत्स्फूर्त सहभाग नोंदविला. कार्यक्रमाचे अध्यक्षस्थान ज्ञानवर्धिनी संस्थेच्या विश्वस्त मंडळाचे अध्यक्ष मा. श्री. किशोर कुडव यांनी भूषविले. कार्यक्रमाचे प्रास्ताविक इतिहास विभाग प्रमुख प्रो. डॉ. जी. जी. सोनवणे यांनी केले. यावेळी महाविद्यालयातील विद्यार्थी, प्राध्यापक, प्रशासकीय कर्मचारी, प्राचार्य तसेच विश्वस्त मंडळ व कार्यकारी समितीचे पदाधिकारी व सदस्य यांनी कै. सोनुभाऊ बसवंत ऊर्फ काका यांना श्रद्धांजली अर्पण करून आदरांजलीपर मनोगत व्यक्त केले. या प्रसंगी ज्ञानवर्धिनी संस्थेच्या कार्यकारी समितीचे अध्यक्ष मा. श्री. बाळकृष्ण पाटील, विश्वस्त मंडळाचे उपाध्यक्ष मा. श्री. देवेंद्र शहा, कार्यकारी समितीचे उपाध्यक्ष मा. श्री. चंद्रशेखर अधिकारी, विश्वस्त मंडळाचे सचिव मा. श्री. रमेश वनारसे, कार्यकारी समितीचे सचिव मा. श्री. दिलीप भोपतराव, कार्यकारी समितीचे सदस्य मा. श्री. बाळासाहेब खारीक, मा. श्री. अरुण कासार, मा. श्री. अनिल निचिते, मा. श्रीमती. अपर्णाताई खाडे, मा. श्री. कल्पेश दुधाळे तसेच महाविद्यालयाचे प्राचार्य प्रो. डॉ. अनिल सिंह आदी मान्यवर उपस्थित होते. कै. सोनुभाऊ बसवंत ऊर्फ काका यांच्या पुण्यतिथीनिमित्त आयोजित राष्ट्रीय स्तरावरील निबंध लेखन स्पर्धेत प्रथम क्रमांक – कु. कोमल चंद्रकांत केकान (के. जे. सोमैया कॉलेज, कोपरगाव, जि. अहमदनगर), द्वितीय क्रमांक – कु. सय्यद सायरा नूरुल हसन (एस. एस. एम. एस. कॉलेज ऑफ एज्युकेशन अँड रिसर्च, भिवंडी), तृतीय क्रमांक – कु. सबनम शेख (रामनारायण रुइया स्वायत्त महाविद्यालय, मुंबई), तर उत्तेजनार्थ पारितोषिक – कु. साहिल आग्रे (पाटपन्हाळे महाविद्यालय) यांनी पटकाविले. सर्व विजेत्यांना प्रमाणपत्रे, रोख रक्कम व सन्मानचिन्हे देऊन गौरविण्यात आले. या कार्यक्रमाच्या यशस्वी आयोजनासाठी ज्ञानवर्धिनी संस्थेचे सर्व पदाधिकारी व सदस्य, मुंबई विद्यापीठाच्या मानव्य विद्याशाखेचे अधिष्ठाता व महाविद्यालयाचे प्राचार्य प्रो. डॉ. अनिल सिंह, महाविद्यालयाचे उपप्राचार्य डॉ. एस. एल. गायकवाड, अंतर्गत गुणवत्ता निर्धारण कक्षाचे समन्वयक प्रो. डॉ. एस. एस. वाघमोडे, इतिहास विभाग प्रमुख प्रो. डॉ. जी. जी. सोनवणे, महाविद्यालयातील प्राध्यापक, शिक्षकेत्तर कर्मचारी व विद्यार्थ्यांचे मोलाचे सहकार्य लाभले. कार्यक्रमाचे सूत्रसंचालन डॉ. सीमा परटोले यांनी केले, तर प्रा. प्रवीण ठाकरे यांनी उपस्थित सर्वांचे आभार मानले. कार्यक्रमाची सांगता राष्ट्रगीताने करण्यात आली.

सोनुभाऊ बसवंत महाविद्यालय, शहापूर जि. ठाणे येथे दि. ९ डिसेंबर २०२५ रोजी सकाळी ठिक १०:०० वा. ते दुपारी ३: ०० वाजेपर्यंत महाविद्यालतील अंतर्गत गुणवत्ता निर्धारण कक्ष, एन. सी. सी., एन. एस. एस., सांस्कृतिक विभाग, स्पोर्टस् विभाग, महिला विकास कक्ष, एच. डी. एफ. सी. बँक (परिवर्तन) आणि सर जे. जे. महानगर रक्तपेढी (शासकीय रक्तपेढी), मुंबई यांच्या संयुक्त विद्यमाने रक्तदान शिबिराचे आयोजन करण्यात आले. या रक्तदान शिबिराचे उद्घाटन ज्ञानवर्धिनी संस्थेच्या कार्यकारी समितीचे अध्यक्ष मा. श्री. बाळा पाटील, उपाध्यक्ष मा. श्री. चंद्रशेखर अधिकारी, सचिव मा. श्री. दिलीप भोपतराव यांच्या हास्ते झाले. सदरप्रसंगी संस्थेच्या कार्यकारी समितीचे सदस्य मा. श्री. बाळासाहेब खारीक, मा. श्री. अरुण कासार, मा. श्री. दिपक बजाज, मा. श्री. अनिल निचिते, मा. श्री. वैभव जगे, मा. श्री. संदिप महाजन, सदस्या मा. श्रीमती आपर्णाताई खाडे, विश्वस्त समिती सदस्य मा. श्री. मोरेश्वर भागवत, महाविद्यालयाचे प्रभारी प्राचार्य प्रो. डाॕ. ए. के. सिंह, एच. डी. एफ. सी. बँकेचे (परिवर्तन) डेप्युटी व्हाईस प्रसीडेंट मा. श्री. सुनिल जाधव, सीनिअर मॕनेजर मा. श्री. मंदार चव्हाटे, सीनिअर मॕनेजर मा. श्री. हर्षद बर्वे, तसेच सर जे. जे. महानगर रक्तपेढीचे जनसंपर्क अधिकारी मा. श्री. अजय भिसे, मा. श्री. डाॕ. सचिन चौधरी इत्यादी मान्यवर उपस्थित होते. या शिबिराच्या उद्घाटनप्रसंगी मा. श्री. अजय भिसे यांनी रक्तदानाचे महत्त्व सांगून, विद्यार्थ्यांना समाजोपयोगी उपक्रमात सहभागी होण्याचे आवाहन केले. तसेच सदर रक्तदान शिबिरामुळे महाविद्यालयातील विद्यार्थ्यांमध्ये सामाजिक बांधिलकी, मानवतेची आणि सेवाभावाची भावना अधिक दृढ होईल, असे मत त्यांनी व्यक्त केले. या शिबिरात एकूण २७ रक्तदात्यांनी स्वेच्छेने रक्तदान केले व त्यातुन एकूण २७ बॕग रक्त जमा करुन ते सर जे. जे. महानगर रकतपेढी, मुंबई यांना देण्यात आले. सदर रक्तदानादरम्यान एच. डी. एफ. सी. बँकेतर्फे सर्व रक्तदात्यांना एक गिफ्ट, प्रमाणपत्र, चहा, बिस्कीट व अल्पोपहार देण्यात आला. या शिबिराला महाविद्यालयाचे आजी व माजी विद्यार्थी, शिक्षक व शिक्षकेत्तर कर्मचारी व स्थानिक नागरीक यांनी उत्स्फूर्त प्रतिसाद दिला. सदरचे रक्तदान शिबिर एच. डी. एफ. सी. बँक (परिवर्तन) आणि सर जे. जे. महानगर रक्तपेढी, मुंबई यांच्या विशेष सहकार्यामुळे यशस्वीरीत्या पार पडले.

*शहापूर:* सोनुभाऊ बसवंत कला व वाणिज्य महाविद्यालय, शहापूर जि. ठाणे येथील अंतर्गत गुणवत्ता निर्धारण कक्ष व क्रीडा व जिमखाना विभाग यांच्या सयुक्त विद्यमाने दि. ७ व दि. ८ आॕक्टोबर, २०२५ रोजी मुंबई विद्यापीठ अंतर्गत आंतर-महाविद्यालयीन पुरुष व महिला कुस्ती स्पर्धेचे भव्य आयोजन ज्ञानवर्धिनी संस्थेच्या कार्यकारी समितीचे अध्यक्ष मा. श्री. बाळा पाटील यांच्या अध्यक्षतेखाली करण्यात आलेले आहे. दि. ७ आॕक्टोबर, २०२५ रोजी पुरुष कुस्ती स्पर्धा तर दि. ८ आॕक्टोबर, २०२५ रोजी महिला कुस्ती स्पर्धेचे आयोजन करण्यात आलेले आहे. सलग दोन दिवस या भव्य कुस्ती स्पर्धेचा थरार पाहण्याचा योग सर्व उपस्थित विद्यार्थ्यांना येणार आहे. या कुस्ती स्पर्धेच्या आयोजनातुन अनेक नवनवीन कुस्तीपट्टू निर्माण व्हावेत व शारीरिक शिक्षणाच्या माध्यमातून भविष्यातील सुद्दृढ नागरिक निर्माण होऊन मजबूत देशबांधणी व्हावी, या उदात्त हेतूने सदरच्या कुस्ती स्पर्धेचे आयोजन करण्यात आले आहे. या भव्य स्पर्धेसाठी प्रमुख पाहुणे म्हणून भिवंडी लोकसभा मतदारसंघाचे लोकप्रिय खासदार मा. श्री. सुरेशजी म्हात्रे साहेब (बाळ्या मामा), मुरबाड विधानसभा मतदारसंघाचे लोकप्रिय आमदार मा. श्री. किसनजी कथोरे साहेब, शहापूर विधानसभा मतदारसंघाचे लोकप्रिय आमदार मा. श्री. दौलतजी दरोडा साहेब, कोकण विभाग शिक्षक मतदारसंघाचे लोकप्रिय आमदार मा. श्री. ज्ञानेश्वरजी म्हात्रे साहेब, पदवीधर मतदारसंघाचे लोकप्रिय आमदार मा. श्री. निरंजनजी डावखरे साहेब, शहापूर विधानसभा मतदारसंघाचे लोकप्रिय माजी आमदार मा. श्री. पांडुरंगजी बरोरा साहेब, मुंबई विद्यापीठाच्या सिनेटचे सदस्य मा. श्री. रविंद्र घोडविंदे साहेब, मुंबई विद्यापीठाचे उपकुलसचिव मा. श्री. डॉ. अशोकजी फर्डे साहेब, मुंबई विद्यापीठाच्या क्रिडा व शारीरिक शिक्षण विभागाचे संचालक मा. श्री. डॉ. मनोज रेड्डी साहेब, ज्ञानवर्धिनी संस्थेच्या विश्वस्त मंडळाचे अध्यक्ष मा. श्री. किशोरजी कुडव साहेब व मुंबई विद्यापीठातील अनेक मान्यवर अधिकारी व इतर पदाधिकारी उपस्थित राहणार आहेत. तसेच या स्पर्धेसाठी ज्ञानवर्धिनी संस्थेच्या विश्वस्त मंडळाचे व कार्यकारी मंडळाचे पदाधिकारी उपस्थित राहणार आहेत. या आंतर-महाविद्यालयीन कुस्ती स्पर्धेत मुंबई विद्यापीठाशी सलग्न असणा-या सर्व महाविद्यालयातील नामवंत कुस्ती स्पर्धक सहभागी होणार आहेत. सदरची कुस्ती स्पर्धा यशस्वी करण्यासाठी ज्ञानवर्धिनी संस्थेच्या कार्यकारी मंडळाचे अध्यक्ष मा. श्री. बाळा पाटील, उपाध्यक्ष मा. श्री. चंद्रशेखर अधिकारी, सचिव मा. श्री. दिलीप भोपतराव, विश्वस्त मंडळ व कार्यकारी मंडळाचे सर्व पदाधिकारी व सदस्य, महाविद्यालयाचे प्रभारी प्राचार्य डाॕ. ए. के. सिंह, उपप्राचार्य, आय. क्यु. ए. सी.चे समन्वयक, महाविद्यालयाचा क्रीडा व जिमखाना विभाग, आणि शिक्षक व शिक्षकेत्तर कर्मचारी इत्यादी कठोर परिश्रम करीत आहेत.